Shqiptarët që po shkëlqejnë në kickboxing-un botëror

Nuk janë vetëm boksierët. Edhe në kickboxing, luftëtarët shqiptarë po ngjiten në organizatat më të mëdha të botës. Ja dy emra që duhet t’i ndiqni.

Berjan Peposhi – nga Shqipëria në Glory

Berjan Peposhi lindi në Shqipëri më 7 shkurt 2001 dhe ka shtetësi shqiptare dhe belge. Sot ai është pjesë e Glory, organizatës më të njohur të kickboxing-ut në botë, në peshën pendë.

Në tetor 2022 ai fitoi titullin botëror WKN K-1 në 65 kg, me nokaut në raundin e dytë kundër Ilias Marghadit. Më pas u bë pjesë e Glory, ku në mars 2026 garoi në Tokio në turneun “Last Featherweight Standing”, kundër Miguel Trindade.

Francesko Xhaja – ambicie të mëdha në SENSHI

Francesko Xhaja është një tjetër kickboksier shqiptar që po bën emër jashtë vendit, në galat ndërkombëtare SENSHI. Para galës SENSHI 32, ai foli për ambiciet e tij të mëdha brenda kësaj organizate, që zhvillon evente me luftëtarë nga e gjithë bota.

Njihni ndonjë kickboksier shqiptar që meriton të shkruajmë për të? Na shkruani te ringu.portal@gmail.com ose në Instagram @ringunews.